Муркаш округӗнче Паташлӑх автоиспекцийӗ васкавлӑ медпулӑшу бригадине кӗрт ӑшӗнчен тухма пулӑшнӑ.
Васкавлӑ медпулӑшу бригади пациент патӗнче пулнӑ, ӑна пулӑшу панӑ хыҫҫӑн каялла кайма тухнӑ. Анчах Йӳҫкассинче вӗсем юр ӑшне кӗрсе ларнӑ. Ку ҫур ҫӗр иртни 3 сехетре пулнӑ.
Тухтӑрсем инҫех мар дежурствӑра тӑракан Паташалӑх автоинспекцийӗн инспекторӗсенчен пулӑшу ыйтнӑ. Полици лейтенанчӗ Николай Кулюкин, Руслан Прокопьев стажер тата взвод командирӗн ҫумӗ Павел Кокшин машинӑна юр ӑшӗнчен алӑпа тӗксе кӑларнӑ. Кун хыҫҫӑн васкавлӑ медпулӑшу машини малалла дежурствӑна кайнӑ.
Улатӑр хулинче 16 ҫулти каччӑ мотоциклпа ҫапӑнса вилнӗ. Ку инкек ӗнер каҫхине 22:40 сехетре пулнӑ.
Каччӑ мотоциклпа пысӑк хӑвӑртлӑхпа пырса бетон юпа ҫине пырса ҫапӑннӑ. Шел те, шлем та унӑн пурнӑҫне ҫӑлайман, вӑл ҫавӑнтах вилнӗ.
Ҫакӑ паллӑ: мотоцикла ӑна ашшӗ-амӑшӗ икӗ эрне каялла илсе панӑ. Халӗ Патшалӑх автоинспекцийӗн ӗҫченӗсем ӗҫ-пуҫа уҫӑмлатаҫҫӗ.
Раштав пуҫламӑшӗнче Шупашкарта 39 ҫулти Алексей Прокопьев офтальмологи пульницине машинӑпа кайнӑ чухне ӑнсӑртран тӑнне ҫухатнӑ. Юнашар 13-ри ывӑлӗ Арсений ларнӑ.
Арҫын ача ҫухалса кайман, руле ярса тытса тимер карта еннелле пӑрнӑ, чарӑнсан часрах васкавлӑ медпулӑшу чӗннӗ.
Арсение пула тухтӑрсем ашшӗне вӑхӑтра пулӑшнӑ, инсульт пуласран ҫӑлса хӑварнӑ.
Патшалӑх автоинспекцийӗн пуҫлӑхӗ Владимир Романов Арсение Тав ҫырӑвӗпе чысланӑ, парнепе хавхалантарнӑ.
Ӗнер 14 сехет те 45 минутра Шупашкарти Николаев урамӗнчи 46-мӗш ҫурт ҫывӑхӗнче йывӑр тиевлӗ машина 87 ҫулти кинемее таптанӑ. Ватӑскер йывӑр сурансене пула кайран реанимацире вилнӗ.
Ҫакӑ паллӑ: водитель урӑ пулнӑ. Кӑҫал ӑна ҫул-йӗр правилисене пӑснӑшӑн явап тыттарман.
Халӗ Патшалӑх автоинспекцийӗ ку тӗслӗх тӗлӗшпе тӗрӗслев ирттерет.
Транспор, Сывлӑх сыхлавӗн министерствисем, Патшалӑх аатоинспекцийӗ, Президент пепкелӗх центрӗ Амӑшӗн кунне халалласа акци ирттернӗ. Вӗсем Пепкелӗх центрне ҫитсе ултӑ ҫемьене автокресло парнеленӗ.
Кунсӑр пуҫне тепӗр икӗ кресло медучреждение парнеленӗ. Вӗсем унта ӑсталӑх класӗ ирттерме кирлӗ.
+16.3 °C